Snowboard 初體驗-租雪具篇

Snowboard 初體驗-租雪具篇 我同老公都喺第一次接觸Snowboard 從未試過嘅情況吓一定要請教練教吓基本功 我哋上網預約咗個教練 同租咗滑雪用品，填定咗資料，例如身高體重等等 仲預先喺香港俾咗部分錢 一到步我哋就衝去Rhythm 租滑雪用品先 初嚟甫到唔知點做，原來要搵部機登記再印張單出嚟，之後就去試衫 今次第一次接觸，所以我哋無自己嘅裝備 要租滑雪衫、雪褲、Snowboard、雪鞋同頭盔 我地只自備咗防水手套、雪襪、雪鏡同頸圍巾 講吓對雪襪，一定要買對包小腿嘅長度 用嚟保護你嘅小腿同雪鞋嘅磨擦 防水手套最後點都會濕 除非你唔會跌、唔會出汗 雪鏡喺北海道長期落緊雪還好 但如果有太陽就要買副更強防紫外線嘅雪鏡 我哋副雪鏡一個日本買，一個淘寶買 有太陽嘅情況底下，呢兩副都唔係好夠擋 下次會買副好啲嘅 而老公嘅雪鏡喺特別俾戴眼鏡嘅人士專用 可以成副眼鏡戴埋入雪鏡，好方便 至於雪褲、滑雪外套，下集我哋會自己買 到時再同大家分享🥰 今集我哋租嘅，職員會根據你之前填嘅資料 俾衫褲你試，我好怕凍，所以我入面喺仲有條褲 衫都著好多，北海道嘅一月，唔喺講笑嘅凍 勁鍾意佢個衣櫃，一格格好方便 職員輕輕鬆鬆就準備好俾我哋 仲會提供埋袋俾我哋裝嘢走 Snowboard 第一次玩就租咗 Adult Standard 原來好鬼重，我連單腳舉起都舉唔到 後尾教練講先知道原來租 Premium 會輕身啲 Rhythm 嘅服務真喺好好，9成以英文溝通為主 一條龍服務，快、靚、正 仲可以前一晚拎走滑雪用品，第二日滑先計日租 還都好方便，可以放喺酒店，佢哋搵人嚟收 搞掂晒，竟然有成4袋嘢再加兩塊板 都咪話唔重 我哋拿拿林去 Lawson 醫肚就去搵教練 我哋好好彩，今日天氣好好， 好清楚睇到成個羊蹄山 #羊蹄山 #二世古 #北海道 #租雪具 #rhythm#生活足跡#2023日常#hirafu #日本の風景 #mountyotei #yotei #日本 #niseko #hokkaido_lovers #hokkaido #travelblogger